Frankrigimi qungasiatigut kipisilluni toqutsisoqarnerani sisamat tigusarineqartut
Frankrigimi ilinniartitsisup Samuel Patyp toqutaaneranut atatillugu atuartut sisamat Frankrigimi politiinit maanna aamma tigusarineqarput.
Samuel Paty Parisip eqqaani qungatsimigut oktobarip ulluisa 16-iannni kapineqarluni toqutaavoq, pruffiitip Muhammedit ilaarutitut titartakkat atuartitsinermut atatillugu takutimmagit islamisiortunit toqutaalluni.
Tigusarineqartut sisamat akornanni pingasut 13-it 14-illu akornanni ukioqarput, ilinniartitsisullu kinaanera toqutsisumut tikkuarsimallugu. Tusarfiit suliamut qanittut tusagassiorfimmut AFP-mut taama oqarput.
AAMMA ATUARUK Inuit pingasut Nicemi savimmik saassussisoqarnerani toqutaasut
Peqqarniisaarniartoqarnissaanut peqataasimasutut taakku unnerluutigineqartut, tusarfiit AFP-mut oqarput.
Atuartut pingasut allat qaammatip massuma ingerlanerani aamma tigusarineqarput suliamut atatillugu aamma pasineqarlutik.
Ilinniartitsisumik Samuel Patymik toqutsisimasumut, 18-inik ukiulimmut, attaveqarsimasutut taakku pasineqarput. Toqutsisoq politiinit kingorna aallaaneqarluni toqutaavoq.
