Frankrigimi oqartussat Paris matunialeraat
Frankrigimi oqartussat illoqarfiit pingaarnersaat Paris Parisillu eqqaa ilanngullugu matunialerpaat, coronavirusimi tamaani tuniluutilertoqqilersimammat.
Frankrigimi illoqarfiit pingaarnersaanni coronavirusip tuniluunnera taamaaginnassappat Paris matuneqassaaq. Frankrigip peqqissutsimut ministeria Olivier Veran tusagassiortunik sisamanngornermi katersuutsitsinermi taama oqarpoq.
Inuit 7 millionit missaat taamaasillutik killilersuiffigineqalissapput.
AAMMA ATUARUK Nunarsuarmi inuit coronavirusimik tunillanneqarsimasut 32 millionit sinnersimagaat
Frankrigip illoqarfiisa pingaarnersaanni pissutsit ernumanarsereersut, Veran oqarpoq.
- Pissutsit qanoq ajorsiartortiginersut paasiniarnissaannut ullualuinnaat atorniarpavut. Pissutsillu ajorsiartuinnassappata allatut iliuuseqarsinnaanngilagut, ataasinngorpamiillu upalungaarsimanerulernissarput allaqqunneqarsinnaanngilaq.
- Parisimi Parisillu eqqaani innuttaasut katerinnissartik taava killilersortariaqalissavaat. Ilaqutariit katersuussinnaassanngillat. Illoqarfiliartoqaqqusaajunnaarallassaaq imerniartarfiillu matuneqassallutik, Veran nassuiaavoq.
- Pissutsit ajorsiartorneranniippugut, Frankrigip sinneranut tamanna aamma atuuppoq, Frankrigip peqqissutsimut ministeria oqarpoq.