Frankrigemut qimaasutut inissinnissaminut Paul Watson qinnuteqarpoq

Paul Watson julimili nunatsinni tigummigallagaasup franskit præsidentiat Macronimut qimaasutut inissinneqarnissaminut qinnutigaa.

Qimaasutut inissinneqarnissamut qinnuteqaat ullualunnguit matuma siorna Macronimut nassiunneqartoq, franskit nutaarsiassaqartitsiviat AFP allappoq.  

Tamanna pivoq allakkatigut qinnuteqarnikkut Lamya Essemlali suliniaqatigiiffimmi Sea Shepherd Francemi siulittasoq, Watsonip siusinnerusukkut ilaasortaaffigisimasaa oqarpoq.   

2010-mi sikuiutsumi kujallermi pisoq pissutigalugu Watson tunniunneqassasoq eqqartuussivimmullu sassartinneqassasoq Japanimi tigusarinninnissamik noqqaassuteqarneq  Watsonip tigusarineqarnera tunngaveqarpoq.

Japanimi oqartussat naapertorlugit japanimiut arfanniartut umiarsuaat arfannialeruttortoq Watsonip saassuppaa.   

Arfanniat suliaannik ajoqusersuisutut arfanniamillu ajoquseeqataasoq Japan isumaqarpoq.

Watson ukiorpassuarni arfanniarnermut sorsuppoq.

Oktoberip 23-ata tungaanut tigummigallarneqassasoq oktoberip aappaani Kalaallit Nunaata eqqartussiviata sivitsorpaa.

Japanimut Watsin tunniunneqassanersoq Danmarkimi Justitsministeriaqarfiup aalajangiiffigissavaa.

Eqqartuussiviit qullersaanni tigummigallagaaneq misilinneqassasoq Procesbevillingsnævnemit Watson akuerineqarpoq.