Watson tigummigallarneqaannassasoq

Nunatta Eqqartuussisuuneqarfiata Paul Watsonip tigummigallarneqaannarnissaa aalajangeqqammerluinnarpaa.

Allattoq Nicole Sander Bertelsen

oktobarip 14-at 2024 13:13

Paul Watson tigummigallarneqaannassaaq, Nuummilu pineqaatissinneqarsimasunut inissiisarfimmiissalluni.

Nunatta Eqqartuussisuuneqarfiata Eqqartuussisoqarfik Sermersuup tigummigallaaginnarnissamik oktobarip aappaani aalangernera, Watsonip suliareqqitassanngortitaa atuuttussaatillugu ullaap tungaani aalajangiiffigaa.

Aamma atuarukWatson tigummigallagaaginnassasoq

Avatangiisinik illersuisoq suliap eqqartuussivimmi aalajangiiffigineqaqqinnissaata tungaanut tassa oktobarip ulluisa 23-ata tungaanut tigummigallarneqartussaavoq.

Watson Japanip tigusarinnissuteqarlunilu tunniusseqqunera pissutigalugu umiarsualivimmi aasaq orsersortilluni tigusarineqarpoq.

PAUL WATSON NAATSUMIK

Canadami Torontomi 1950-imi decembarip aappaani inunngorpoq.
Avatangiisinik illersuiniaqatigiiffimmik Greenpeacemik 197-imi pilersitseqataasuuvoq. Tassanngali 1977-imi anivoq.
Immap uumasuinik immamilu uumassusillit ataqatigiiaarnerannik illersuiniaqatigiiffimmik Sea Shepherd Conservation Societymik tamatuma kingorna 1977-imi pilersitseqataavoq.
Sea Shepherds pillugit piviusulersaarusiami nangeqattaartumi "Whale Wars"-imi pingaarnertut inuttaasunut ilaavoq.
"Avatangiisinik 1900-kkunni illersuiniallammaat 20-t ilaattut" amerikamiut atuagassiaasa ilaannit Time Magazinemit 2000-mi toqqagaavoq.
Atuakkiai ilaatigut makkuupput: "Ocean Warrior" aamma "Earthforce!", imalu oqaasinnaaqarnini aamma ilisimaneqaatigaa: “If the oceans die, we die” (imarpiit uumassuseeruppata, uagut toqussagut, (aaqq.))

Watson Nuummi suniarnersoq oqaatigiuminaappoq. Eqqarsarnarsinnaavoq piniartunut akornusiiniarluni tikittoq, taamaattoqanngitsorli, nalaatsornerinnarmillu, qimaalluni angalanermini Nuummi umiarsualivimmiittoq paasinarsivoq.

Watson arfanniat Japanimiut akornusersoriartorniarlugit pilersaaruteqartoq. Sullualukkuulersaarluni Nuummut orseriartuunnaraluartoq, tigusarineqarpoq.

Taannali juulip 21-aniilli tigummigallarneqalerpoq, qanittumili iperagaanissaanut ilimanaateqarani.

Nutaarsiassami kukkunermik nassaarsimaguit uunga allaffigineqarsinnaavugut.