Watson tigummigallagaaginnassasoq

Avatangiisinik illersuiniaq oktobarip ulluisa 23-ata tungaanut tigummigallagaaginnassasoq, Kalaallit Nunaanni Eqqartuussivimmi aalajangerneqarpoq.

Allattoq Ulrikke Andersen, Brian Jensen

oktobarip 02-at 2024 11:09

Paul Watsonip oktobarip 23.-ata tungaanut tigummigallarneqarnissaa Kalaallit Nunaata Eqqartuussiviani ullumi aalajangiunneqarpoq.

Tigummigallagassanngortinneqarneranik aalajangiineq aatsaat pilinngilaq, siuliani aggustip 15.-ata tungaanut kingorna septembarip sisamaata tungaanut aalajangertoqarpoq.

Taama aalajangiisoqarnerit pillugit Paul Watsonip suliareqqitassanngortippaa, assinganillu aalajangiussaq kingulleq pillugu iliorpoq.

Taama aalajangertoqarnera Kalaallit Nunaanni Eqqartuussiviup akisussaaffigaa.

Suliaq qangarnisaq peqqutaalluni

Japanimiit 2010-mi nunarsuarmi sumiiffinni tamani tigusarinninnermut nalunaarutigineqarsimanera tunngavigalugu Canadamiu-amerikamiu avatangiisinik illersuiniaq Nuup umiarsualiviani juulip ullaaralaanngua tigusarineqarpoq.

Japanimiut tigusarinninnermut nalunaarutaat Watsonip umiarsuaaraalu Japanimi arfanniat inuuneri navianartorsiortitsisimasutut taallugu nalunaarutigaat.

PAUL WATSON NAATSUMIK

Canadami Torontomi 1950-imi decembarip aappaani inunngorpoq.
Avatangiisinik illersuiniaqatigiiffimmik Greenpeacemik 197-imi pilersitseqataasuuvoq. Tassanngali 1977-imi anivoq.
Immap uumasuinik immamilu uumassusillit ataqatigiiaarnerannik illersuiniaqatigiiffimmik Sea Shepherd Conservation Societymik tamatuma kingorna 1977-imi pilersitseqataavoq.
Sea Shepherds pillugit piviusulersaarusiami nangeqattaartumi "Whale Wars"-imi pingaarnertut inuttaasunut ilaavoq.
"Avatangiisinik 1900-kkunni illersuiniallammaat 20-t ilaattut" amerikamiut atuagassiaasa ilaannit Time Magazinemit 2000-mi toqqagaavoq.
Atuakkiai ilaatigut makkuupput: "Ocean Warrior" aamma "Earthforce!", imalu oqaasinnaaqarnini aamma ilisimaneqaatigaa: “If the oceans die, we die” (imarpiit uumassuseeruppata, uagut toqussagut, (aaqq.))

Nalaatsornerinnarmi Nuummi tigusaavoq

Watson Nuummi suniarnersoq oqaatigiuminaappoq. Eqqarsarnarsinnaavoq piniartunut akornusiiniarluni tikittoq, taamaattoqanngitsorli, nalaatsornerinnarmillu, qimaalluni angalanermini Nuummi umiarsualivimmiittoq paasinarsivoq.

Watson arfanniat Japanimiut akornusersoriartorniarlugit pilersaaruteqartoq. Sullualukkuulersaarluni Nuummut orseriartuunnaraluartoq, tigusarineqarpoq.

Maannamut qaammatit pingasungulerput tigummigallagaalermalli, qanittukkullu iperagaanissaa ilimanaateqanngilaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.