Danskit illersornissaqarfiata danskit Afghanistanimiittut angerlartikkaat
![](/sites/default/files/styles/image_934x467/public/article_images/20210814-214055-l-1920x1280we.jpg?itok=t-gZeRlE)
Danskit Norgemiullu arlallit ”pinartoqarujussuarnera” pissutigalugu Afghanistanimiit sapaammi unnukkut qimagussortinneqartariaqalerput.
Danskit illersornissaq pillugu ministeriat Trine Bramsen ataasinngornermi Twitterikkut taama allappoq.
- Pinartoqarnera pillugu danskit norskillu arlalippassuit Afghanistanimiit sapaammi unnukkut qimagussortinneqarmata nalunaarutigissavara. Qanorpiarli pisoqarnera pillugu annertunerusumik oqaatigisinnaanngikkallarpara, taanna allappoq.
Qimagussortinneqartut qasserpiaanersut nalunaarutigineqanngilaq.
AAMMA ATUARUK Kabulimi mittarfimmi isumannaallisaaneq USA-mit aarlerisaarutigineqarpoq Talibanit tiguaaneranni
Danskit arlallit suli Afghanistanimiittut, ullaaq manna ataasinngornermi, danskit illersornissamut ministeriata aamma nalunaarutigaa.
- Danskit sakkutuuisa timmisartui Afghanistanip nalaaniissimapput, pisullu assut sakkortullutik, taamaammallu oqaatigiuminaappoq qanorpiaq pisoqarsimanera. Pingaarnerpaavorli taakku qimagussortinnissaat, danskit illersornissamut ministeriat Trine Bramsen allappoq.
Kabulimi timmisartoqarfik, sakkutuut timmisartui eqqaassanngikkaanni, timmisartunut allanut matoqqatinneqarpoq.
Talibanimi Islamimiut pikitsitsiniat Kabul sapaatiummat tiguarpaat, taamaalillunilu Afghanistanip ilarujussua tiguarlugu.