Aalisarnermut inatsisissatut siunnersuut naalakkersuisooqatigiit isumaqatigiissutaannut akerliusoq
TV-kut aallakaatitassiaq “Qiviarfik” ataasinngorneq 30. Oktober 2017 aallakaatinneqaqqaarpoq. Aallakaatitassiap siunertaraa nutaarsiassat tusartakkatta tunuliaqutaasa qanorlu ataqatigiinnerisa samminissaat. Ataasinngornermi aallakaatinneqartumi sammineqarpoq aalisarnermut inatsimmut allannguutissatut siunnersuut, qaammaterpassuarni sammineqarsimasoq soqutigisaqaqatigiillu amerlasuut isummersorfigisimasaat. Alaatsinaatsutut oqaloqatigineqartut Kuupik V Kleistip Paaviaaraq Heilmannillu isumaqatigiissutigaat allannguutissatut siunnersuutip suliarineqarnera torrallataanerpaajunngitsoq.
Siumut sinnerlugu Aalisarnermut Naalakkersuisuusimasoq Paaviaaraq Heilmann ilaatigut ima oqarpoq:
“Naalakkersuisooqatigiit isumaqatigiissutaat 2016-2018 pitsaalluinnartunik imaqarpoq, aalisarneq aamma eqqarsaatigalugu. Tassani allaqqasoqarpoq aalisarneq aamma eqqarsaatigalugu aningaasarsiorneq siuarsarneqassasoq. Uanili siunnersuuteqarnermi kinguariartortussanngorlugu aaqqissuisoqarsinnaaneranik ulorianartumik inissisimasoqarpoq. Naalakkersuisooqatigiit isumaqatigiissutertik atuaqqilaarialugu suliartik inaarsassagaat siunnersuutigissavara. Inatsisartummi akisussaasussaapput akuersigunik taamatut isikkoqartillugu, tamannalu ulorianartumik siunertaqarpoq.”
Aalisarnermut inatsimmut allannguutissatut siunnersuut novemberip 16-anni siullermeerlugu oqaluuserineqassaaq. Inatsisartut ukiaanerani ataatsimiinneranni ulloq kingulleq, aappaagu 2018-imi qinersinissaq sioqqullugu ukiaanerani ataatsimiinnermi kingulliusumi.
Naalakkersuinikkut pissutsinik alaatsinaatsut peqataasut Paaviaraq Heilmannip aamma Kuupik V Kleistip ilimaginngilaat inatsimmut allannguutissatut siunnersuut ukiaanerani ataatsimiinnermi oqaluuserineqarumaartoq.
TV-kut aallakaatitassiaq “Qiviarfik” ataasinngorneq 30. Oktober 2017 aallakaatinneqaqqaarpoq. Aallakaatitassiap siunertaraa nutaarsiassat tusartakkatta tunuliaqutaasa qanorlu ataqatigiinnerisa samminissaat. Ataasinngornermi aallakaatinneqartumi sammineqarpoq aalisarnermut inatsimmut allannguutissatut siunnersuut, qaammaterpassuarni sammineqarsimasoq soqutigisaqaqatigiillu amerlasuut isummersorfigisimasaat. Alaatsinaatsutut oqaloqatigineqartut Kuupik V Kleistip Paaviaaraq Heilmannillu isumaqatigiissutigaat allannguutissatut siunnersuutip suliarineqarnera torrallataanerpaajunngitsoq.
Siumut sinnerlugu Aalisarnermut Naalakkersuisuusimasoq Paaviaaraq Heilmann ilaatigut ima oqarpoq:
- Naalakkersuisooqatigiit isumaqatigiissutaat 2016-2018 pitsaalluinnartunik imaqarpoq, aalisarneq aamma eqqarsaatigalugu. Tassani allaqqasoqarpoq aalisarneq aamma eqqarsaatigalugu aningaasarsiorneq siuarsarneqassasoq. Uanili siunnersuuteqarnermi kinguariartortussanngorlugu aaqqissuisoqarsinnaaneranik ulorianartumik inissisimasoqarpoq. Naalakkersuisooqatigiit isumaqatigiissutertik atuaqqilaarialugu suliartik inaarsassagaat siunnersuutigissavara. Inatsisartummi akisussaasussaapput akuersigunik taamatut isikkoqartillugu, tamannalu ulorianartumik siunertaqarpoq.
AAMMA ATUARUK Aalisarnermut inatsisissap kinguartinnissaa IA-kkut ammaffigaat
Aalisarnermut inatsimmut allannguutissatut siunnersuut novemberip 16-anni siullermeerlugu oqaluuserineqassaaq. Inatsisartut ukiaanerani ataatsimiinneranni ulloq kingulleq, aappaagu 2018-imi qinersinissaq sioqqullugu ukiaanerani ataatsimiinnermi kingulliusumi.
AAMMA ATUARUK Sanngiinnerit aalisarnermut inatsisissamit eqqugaasinnaasut
Naalakkersuinikkut pissutsinik alaatsinaatsut peqataasut Paaviaraq Heilmannip aamma Kuupik V Kleistip ilimaginngilaat inatsimmut allannguutissatut siunnersuut ukiaanerani ataatsimiinnermi oqaluuserineqarumaartoq.
