Kalaallimut ilisimatusartumut akimasuumik nersornaasiineq
Hepatitis B-p naggueqatigiit Inuit akornanni tuniluunnerata misissuiffigineqarnissaa pillugu eqqarsaat ilinniarnerup nalaani pinngorpoq. Kalaallimmi Hepatitis B-virusimik tunillanneqarsimasut tunillanneqarsimagaluarlutik napparsimalersimannginnerannut suut pissutaasinnaanersut Karsten Fleischer Rexip paaserusussimavaa, naggueqativummi allat Hepatitis B-mik tunillanneqarsimasut perululertarmata.
Kalaallit Danmarkimi najugaqartut tingummikkullu aseruuttoornermik nappaateqartut nerisatik inooriaasertillu allanngortikkaangamikkit tamanna nappaateqarnerminnut sunniuteqartarnersoq Flesicher Rexip misissorpaa.
Aamma atuaruk Kalaallit Nunaanni aningaasanoornermut misissuineq nersorneqarpoq
Nappaat pillugu ilisimatusarneq Karsten Fleischer Rexip sulinerminut atatillugu nanginnikuuaa, nakorsatullu maanna sulivoq, Hepatitis B- aamma D-mik nappaatillit katsorsartarlugit.
Nersornaat Jens Peder Hart Hansen-prisen, Issittumi pissutsinut ilisimatusartumut inuusuttumut neriulluarnartumut ukiut tamaasa tunniunneqartarpoq, nersornaallu Karsten Fleischer Reximut, The International Congress in Circumpolar Healthimik taallugu Finlandimi tunniunneqarluni.