Kalaallit Nunaanni aningaasanoornermut misissuineq nersorneqarpoq
Issittumi peqqinneq pillugu Canadami Yellowknifemi isumasioqatigiinnersuarmi PhD-mik ilinniagaqartoq, Christina Viskum Lytken Larsen, Nunatsinni Peqqissaanermut Ilinniarfimmeersoq, nersornaatisimmat, Kalaallit Nunaanni peqqinnissaq pillugu ilisimatusarneq qitiutinneqarluinnarpoq.
juulip 16-at 2009 06:21
Pineqartoq tassaavoq Jens Peder Hart Hansenip aningaasaateqarfia, nunarsuaq tamakkerlugu Issittumi peqqinneq pillugu ilisimatusarneq taassuma aningaasaateqarfiup siuarsartussaavaa.
Aningaasanoorluni pinguarnermik Kalaallit Nunaanni imminut nangarsinnaannginnerujussuup, tassa ludomanip, misissuiviginera Christina Viskum Lytken Larsenip nersornaatisissutigaa. Ilinniagaani ujarfissarsiniarneqartoq tassaavoq, aningaasanoorluni pinnguaatinut imminut noqissinnaannginneq naggueqatigiit inuit akornanni qanoq atugaatiginersoq, Nunattalu aningaasaqarneranut tamanna qanoq sunniuteqarnersoq. Siunertaavoq peqqinneq pillugu suliniutit siuarsarneqarnissaat, taavalu katsorsaanissamut periarfissat qanoq innersut misissussallugu.
