Qulaarpaa Namminiilivinnissaq unammillernartoqartoq

- Siullermik tunngaviusumik isummersornermut tunngasuuvoq, nunami naalakkersuinikkut aaqqissuussinermut naalagaaffeqatigiinnermullu Ilisimatusarfimmi ilisimatooq Jens Wendel-Hansen oqarpoq.

Tassalu isumassarsiap ilusilersornissaa takorluukkallu nunatta siunissaanut atuutilernissaa.

- Kalaallit Nunaata namminiilivinnissaata qanoq ittuunissaata eqqarsaatiginera uani aallartippoq, Jens Wendel-Hansen oqarpoq.

Nunamilu naalakkersuinikkut aaqqissuussineq sakkussatsialaavoq.

- Nunap erfalasuatut inuiattullu erinarsuutaatut pingaartigisutut tamanna nunap ilisarnaatigaa, Ilisimatusarfimmi ilisimatooq oqarpoq.

Nunamili naalakkersuinikkut aaqqissuussinermik suliaqarneq politikkikkut ataqatigiittutut aamma takuneqartariaqarpoq. 

Unammillernartuali tassaavoq, Nunarput namminiilivinnissamut suliaqarnermi siuarsimavallaanngilaq. Nunatta oqartussaaffiit arlaqartut akisussaaffigilereernikuuai, namminersorneq eqqunneqarnikuuvoq, aningaasaqarnerulli ingerlanniarnera ajornakusoorpoq, taamaammat danmarkimit avissaarnissamut siunertaq ingerlanerliulersinnaavoq.

Nunami naalakkersuinikkut aaqqissuussinermi suliaqarneq aaqqiissutitut ajornanngitsumik atorneqarsinnaavoq inernermillu tunisisinnaalluni. Tassalu nunami naalakkersuinikkut aaqqissuussineq.

- Tassani suliap ingerlarsortinnissaanut atortussat allat atornissaat pisariaqarsinnaavoq. Tassa politikkikkut isumaqartittuarlugu. Politikkikkut namminiilivikkusunnermi nunami naalakkersuinikkut aaqqissuussinermi suliaqarneq politikkikkut sakkugineqarsinnaavoq, Jens Wendel-Hansen oqarpoq.

Suliaqarniarnermi qulequtaq sammineqarnerusoq isummallu akerleriiffiusinnaasat avissaartuutsitsilersinnaasut siuneranni suli utaqqisiinnarneqartut, Ilisimatusarfimmi ilinniartitsisup Wendel-Hansenip oqaatigaa.

Minnerunngitsumik kalaallit kinaassusaannut tunngasunik suliaqarnerit aaqqiagiinngissutaasinnaapput.

- Kinaassuseq pingaartorujussuuvoq oqallisiginissaalu mianernartuulluni, inuiaammi kinaassusaat aalajangiiffigissallugu ajornakusoortorujussuuvoq. Minitaqaraannimi qanoq iliortoqassava, Ilisimatusarfimmi ilinniartitsisoq oqarpoq.

Nunami naalakkersuinikkut aaqqissuussinermut oqaatsinut tunngasut ilaatinneqassasut, nalunaajaammi assersuutigineqarpoq. Inoqarpormi danskisut oqaaseqartuugaluarlutik imminnut kalaallisut isigisut. 

- Oqaatsit kinaassutsimut annertuumik pingaartinneqarpata taava qanoq inissisimasoqassava, Jens Wendel-Hansen oqarpoq.

AAMMA ATUARUK Allannguerusukkussi makigitsi iliuuseqarlusilu