Folketingimut qineqqusaarunnaaginnarpoq
Tusagassiuutinut naatsunnguamik nalunaarummini Kaali Olsen allappoq, inuunini feeriarnermi nalaani siallerajoqisumi eqqarsaatigeqqissimagini, aalajangerlunilu inuunini nukinilu maani nunatsinni atorniarlugit. Piffissami annerpaartaa Danmarkimi atorusunngilaa.
Inatsisartunulli ukiut marluk qaangiuppata qinersisoqalerpat qinigassanngortinnissani eqqarsaatiginerarpaa.
- Arlariinnik qinigaaffeqarneq uanga inuttut akerleraara, taamammat Folketingimut qinigassanngortinniarninnit tunuarpunga, Kaali Olsen oqarpoq.
Inuit Ataqatigiit qinigassanngortitaasa sinneri sisamat tassaapput Sara Olsvig, Nikoline Ziemer, Sofia Rossen aamma Johan Lund Olsen.