Folketingimi ilaasortaq: Uulia immap naqqaniitiinnarsiuk
Kalaallit Nunaat uuliamik qalluinermut taarsiullugu aningaasanik taarsiiffigineqarsinnaasoq Enhedslisten sinnerlugu folketingimi ilaasortaq Per Clausen isumaqarpoq.
Allattoq Apollo Jeremiassen
Equadorimi uuliamik qalluisoqannginnissaa Naalagaaffiit Peqatigiit 2010-mi isumaqatigiissutigaat, taarsiullugu Equador 19 milliardit koruuninik taarsiiffigineqarpoq, uulia qallorneqassagaluarpat aningaasat iluanaarutissat amerlaqqataanik.
- Ecuadoritut Kalaallit Nunaat taarsiiffigitikkusunnersoq aamma tamanna danskit naalakkersuisuisa sulissutigerusunneraat apeqquteqaatigissavara, Per Causen Sermitsiaq.ag-mut oqarpoq.
Taassumali naqissuserpaa Kalaallit Nunaata namminersortuunera ataqqilluinnaramiuk. Taamaakkaluartorli uulia gassilu attorneqassanngitsut Kalaallit Nunaat siunnersorusuppaa.