VIDEO Folketingimi akunneq apeqqarissaarfiusoq
Ministeriunerup Helle Thorning Schmidtip Folketingimi ullumi apeqqarissaarfigineqarnerani, Inuit Ataqatigiinneersup Johan Lund Olsenip naalagaaffeqatigiit nunanut allanut isumannaallisaanermullu politikkiannut Nunatta aalajangeeqataasinnaanera apeqquteqaatiginiarpaa.
Helle Thorning-Schmidt folketingimi oqalugiartoq
Allattoq Elisa Isaksen
maajip 12-at 2015 10:14
Folketingimi ilaasortat Atlantikup avannaaneersut ministeriunermut kvartalimut ataasiarlutik Folketingip ataatsimiittarfiani toqqaannartumik apeqqarissaarsinnaapput, tamatumunngalu atatillugu naalagaaffeqatigiinnermut tunngasunik apeqquteqartoqarsinnaalluni.
Ullumi apeqqarissaartoqarnerani IA-meersup Johan Lund Olsenip, naalagaaffeqatigiinni nunat ilaasut ataatsimoorlutik nunanut allanut isumannaallisaanermullu politikkimut aalajangeeqataasinnaanerat, ministeriunerup qanoq isumaqarfigineraa apeqqutiginiarpaa.
Apeqqarissaarneq Danmarkimi nalunaaqutaq ataatsimut, tassa maani nalunaaqutarput naapertorlugu massakkut qulingiluanut aallartippoq, toqqaannnartumillu tv-kkut uani malinnaaffigineqarsinnaalluni kanalen folketinget.
