FN silaannaap pissusaanik ilisimatusarfissamik Københavnimi pilersitsivoq
Ilimatusarfiup siunertaraa nunat siuarsarniakkat silaannaap pissusiisa allanngoriartornerinut piareersaarnissaannut naleqqussarnissaannullu teknologiimik pitsaanerpaamik atuinissaannut ikiornissaat. CTNC-mik pilersitsinissaq FN-ip Cancunimi 2010-mi ataatsimeersuartitsinerani aalajangerneqarpoq, danskit nunanut siuarsarniakkanut ministeriata ilisimatusarfissap Danmarkimut inissinneqarnissaanik toqqaasoqarsimanera nuannaarutigalugu ullumi nalunaarutigaa.
- Danmarkip silaannaap pissusiinut tunngatillugu suliniarnermi pingaaruteqaqisumi qitiusumik inissisimalerneratigut, nunani siuarsarniakkani silaannaap pissusiisa allanngoriarnerinut akiuiniarnermi naleqqussarniarnermilu pitsaasumik tunnavissaqalerpugut. Danmark avatangiisinik eriaginninnissamik suliniarnermi nunani tamalaat akornanni nukittuumik inissisimalissaaq, tamannalu danskit ilisimasaannut suliffeqarfiinullu iluaqutissartaqarluarpoq, Christian Friis Bach oqarpoq.
Danmarkittaaq nukissamik atuilluarnissamut FN-ip ilisimatusarfissaata Danmarkimut inissinneqarnissaa neriuutigaa.
