Timmisartoqarfik sakkutuullu inaat coronavirusimik tunillatsissimasunik inissiiviusinnaasut
Coronavirusimik tunillanneqarsimasut Danmarkimi siumorneqassagaluarpata, illersornissaqarfiup Skrydstrupimi timmisartoqarfia upalungaarsimanermut ilaatinneqarpoq.
- Timmisartoqarfimmi illoqarpoq atorneqarsinnaasunik, inuppassuarnik tassani inissiisinnaavugut, Region Syddanmarkimi pisortaaneq Kurt Espersen oqarpoq.
- Mittarfeqarpoq, napparsimasut pisariaqassappat timmisartuukkasuarneqarsinnaallutik, Espersen oqarpoq.
AAMMA ATUARUK Corona: Danskit peqqinnissamut aqutsisoqarfiat upalungaarsimasunut sukaterisoq
Coronavirusilu Danmarkimi tuniluutilissagaluarpat Danmarkimi nunap ilaat allat tamatumunnga atatillugu upalungaarsimanermut pilersaarusiuleruttorput.
Region Midtjyllandimi Herningimi illorsuaq sakkutuut inaat upalungaarimanermi atugassatut toqqarneqarpoq.
Pisariaqassappallu Skive Karupimilu timmisartoqarfik aamma periarfissaapput.
Region Sjællandimi illorsuit sakkutuut inaat marluk toqqarneqarput.
Danmarkimi nutaarsiassaqartitsivik Sjællandske naapertorlugu Slagelsemi illorsuaq sakkutuut inaat, Antvorskov Kaserne Birkerødimilu illorsuaq sakkutuut inaat, Høvelte Kaserne pineqarput.