Coronavirusip tuniluunnera pissutigalugu virusip Danmarkimut anngunnissaa Statens Serum Insititutimit pinngitsoortinneqarsinnaanngilaq.Assi: Flavio Lo Scalzo/Reuters/Ritzau Scanpix

Corona: Danskit peqqinnissamut aqutsisoqarfiat upalungaarsimasunut sukaterisoq

Coronavirusimik Europami tunillatsittut qassiiulereernerat pissutigalugu danskinik tunillatsittoqarnissaa pinaveersinneqarsinnaanngilaq.

Coronavirusip tuniluunnera pissutigalugu virusip Danmarkimut anngunnissaa Statens Serum Insititutimit pinngitsoortinneqarsinnaanngilaq.

Tamanna Serumip nittartagaani allassimavoq.

Danskit peqqinnissamut aqutsisoqarfiata upalungaarsimanini sukateriffigigaa, Peqqinnissamut Aqutsisoqarfiup pisortaata, Søren Brostrømip DR-imut paasissutissiissutigaa.

Virusip europami nunanut qassiiusunut piffissami kingullermi tuniluunnerata kingunerisaanik taama nalunaaruteqartoqarpoq.

Europami tunillatsissimasut Italiami amerlanerpaapput. Tassani inuit tallimat virusimik toqquteqarput, 200-llu sinneqartut tunillatsissimallutik.

Kinap avataani nunani qassiiusuni coronavirusimik tunillatsittut qaassiunerat pissutigalugu Danmarkimut anngunnissaanut ilimanaateqarnerusoq, Statens Serum Institutimi nakorsaaneq, immikkoortortaqarfimmilu pisortaq, Tyra Grove Krause naliliivoq.

AAMMA ATUARUK WHO: Muligheden for at inddæmme coronavirus svinder ind

- Kinap avataani nunani qassiiusuni tunillatsittut amerliartornerat ilutigalugu anngunnissaata ilimanaateqarnera qaffakkiartorpoq. Tunillatsissimasumik Danmarkimi siumugaqarnissarput aamma Danmarkimi inuit akornanni tuniluuttoqarsinnaanissaa ilimanarpoq, Tyra Grove Krause oqarpoq.

Taamaammat tunillatsissimasumik siullermik Danmarkimi qaqugu nalunaarsuinissaq apeqqutaanngoqqavoq.

- Virusi upernaap tungaanut suli anngutinngikkallassasoq neriuutigaarput, upernaamimi anersaartorfitsigut virusit tuniluutinnginnerusarput, Tyra Grove Krause oqarpoq.

Danskinik suli tunillatsittoqarsimanngilaq.

Tyra Grove Krusep virusip aallaqqaammut ilimagineqartutulli sakkortutiginnginnera erseqqissaatigaa. Tunillatsittut amerlanerit sakkukinnerusumik takussutissaqartarput, taamaallaat utoqqaat imaluunniit allat nappaateqartut sakkortunerusumik nalaataqartarsinnaapput.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat