Takornariartitsisisartunut tapiissuteqartarnerit allanngortinneqartut
Nunatsinni takornariartitsisartunut ullormut misigisassaqartitsinermut ataasiinnarmut tapiissuteqartarneq allanngortinneqarpoq, ullormut angallassinermi ataatsimit amerlanerusunut tapiissuteqartoqarsinnaanissaanut qinnuteqartoqarsinnaalerluni. Inuussutissarsiornermut Suliffeqarnermullu naalakkersuisoqarfiup nittartagaanni tamanna atuarneqarsinnaavoq.
AAMMA ATUARUK Inuussutissarsiornermut ikiorsiissutit nutaat takornarialerisunut tapersiissasoq
Takornariartitsinermik ingerlatsisut naalakkersuisunit ikiorsiissuteqarfigineqarsinnaanissamik ukioq manna juunimi qinnuteqarsinnaalerput, Covid-19-ip kingunerisaanik akikillisaanissamik aaqqissuussisoqarsinnaalerluni.
Akunnittarfiutillit angallassisartulluunniit ingerlatsinerminnut atatillugu akikillisaasinnaanissamik neqerooruteqarnerminnut atatillugu akikillisap nalinganik naalakkersuisunit matussuserneqarsinnaalerput.
Akunnittarfiutillit unnuisoqarneranut atatillugu 500-t angullugit tapiissuteqarfigineqarsinnaalerput, takornarianillu angallassisartut 300-t koruunit angullugit tapiiffigineqarsinnaalerlutik. Unnuisarnerit angallassinerillu takornarianut taamaasillutik akikinnerulerput.
Aningaasartuutit matussusernerneqarsinnaasut amerlanerulinngillat, misigisassaqartitsinernulli amerlanernut matussusiisoqarsinnaalerluni.
Inuussutissarsiortut qisuariaatigisartagaat tunngavigalugit suliffeqarnermilu illuatungeriinnik oqaloqateqareernerup kingorna naalakkersuisut taama aalajangiipput.
AAMMA ATUARUK Takornariartitsinermut siunnersuisoqatigiit: Ammaassisoqaraluartoq aasaq naalereerpoq
Covid-19-ip kingunerisaanik malittarisassani allannguutit innuttaasut Kalaallit Nunaanni najugaqarallartut suliffeqarnerminnut atatillugu akikillisaassinernik ujartuisinnaanngorneranik kinguneqassaaq, Naalakkersuisut taama oqarput.
Najugaqavissut taamaallaat akikillisaanernik maannamut ujartuisinnaanngornikuugaluarput.
Malittarisassat atuuttut paasissutissallu amerlanerusut quppersakkami www.big.gl -imi nassaarineqarsinnaapput.
