Aalisartut hashimik pujortarsimasut niutitaasut
Umiarsuaatileqatigiiffiup Polar Seafood-ip aalisariutaataani hash-imik atuinngilluinnarnissamik politikkeqarnera asuli sioorasaarinerunngilaq. Tamanna pinsimi naqissuserneqarpoq.
Polar Nanormi juunip pingajuanni pisarneq malillugu hash-imik atuisoqarneranik misissuinermi paasineqarpoq, inuttanit 26-usunit inuttat pingasut hash-imik pujortarsimasut.
Henrik Leth Polar Seafoodimi siulersuisuni siulittaasoq, taama allappoq
Polar Seafood hash pillugu ukiorpassuarni politikkeqarsimavoq, Island-imiilli hash-imik annertuumik unioqqutitsilluni eqqussiniarsimanerup oqallisaanerujussua pissutaalluni nakkutilliineq sakateriffiigineqarpoq.
- Polar Nanormilu misissuinitta ajoraluartumik takutippaa, tamatuma tungaatigut suliniuteqarnitta nangeqqinnissaanut peqqutissaqartoq, Polar Seafoodimi siulersuisuni siulittaasoq, Henrik Leth taama allappoq
AAMMA ATUARUK Pasineqartup hashimik anngiortumik eqqusseriaraluarnini nassuerutigaa
Polar Seafood-ip kilisaataataani allami aamma misissuisoqaqqammerpoq, misissukkalli tamarmik hash-itorsimanermut takussutissartaqanngitsut paasineqarpoq.
Kilisaat suliffiuvoq navianartoq, sulinermilu kikkut tamarmik tamakkiisumik imminnut naatsorsuutigisinnaasariaqarput. Taamaattumik inuttatsinnut tamanut erseqqissaatigisimavarput, aanngajaarniutinik inerteqqutaasunik atuineq sillimaniarnermut navianarluinnarmat, aammalu unioqqutitsineq ingerlaannartumik soraarsitsinermik kinguneqartussaammat.
Polar Seafoodimi siulersuisuni siulittaasoq taama nalunaarpoq.
