Kulturi Timersorneq

VIDEO Tonny Fiskerip nuannarisamini ajugaanini ilorrisimaarutigaa

Arctic Winter Games 2016-imi kalaallit ujaminnattaavat siulleq kuultiuvoq. AWG-imilu unammisareersumut Tonny Fiskerimut taanna tunniunneqarpoq, Inuimmi pinnguaataanni seeqqummerluni pissilluarami. Nuussuup timersortarfiani unammineranni nulia anaanaalu isiginnaartut ilaanniipput.

Allattoq Ivik Kristiansen, Camilla Dam, Tikaajaat Kristensen

marsip 08-at 2016 14:07

Timersortartoq 28-inik ukiulik ujaminnakkami soorunami nuannaaqaaq, peqataaninilu aamma assut nuannareqaa.

- Nuanneq assut, ingammik maani angerlarsimaffitsinni Kalaallit Nunaanni.

- Arfineq-marlussaa ilaagaluarlunga AWG-mut una immikkuullarinnerpaavoq.

- Taavalu saniatigut uanga Inuit pinnguaataanni seeqqummerluni pissinneq aallunnersaasarakku angusarissaarpunga massakkut, Tonny Fisker KNR-imut oqarpoq.

Normu 2-nngortumit centimetereeqqanik marlunnik takinerulaannguamik seeqqummeqqasinnarluni pissinnini ajugaassutigaa. Pissikkami isikkaminik ataatsikkoqqissaaq tuppoq nikorfaannarlunilu, pissinneralu 149,5 centimeterinik takissuseqartutut uuttortarneqarpoq.

Tonny Fisker Inuit pinnguaataanni unamminernut qulinut unammeqataassaaq.

Apersorneqarnera, uani ataani takusinnaasat, ajugaalluni Tonny Fiskerip suli paasinngikkaa immiussaavoq.

VIDEO Tonny Fiskerip nuannarisamini ajugaanini ilorrisimaarutigaa

Aamma atuaruk