Finn Karlsen eqqartuussaassanngilaq

Kalaallit Nunaanni Poliit Qullersaqarfiat aalajangiisussaagaluarpat Great Greenlandip pisortaanera, Michael Nielsen, pillugu oqaaseqarsimanini pissutigalugu Finn Karlsen 5.000 koruuninik akiliisussanngortitaassagaluarpoq.

Sermitsiaq ullumi saqqummersoq taama allappoq.

Sermitsiaq naapertorlugu Piniarnermut Aalisarnermullu Naalakkersuisoq inummik nikanarsaasimanini pissutigalugu unnerluussisussaatitaasunit – tassa Politiit Qullersaqarfianit -eqqartuussassanngortinneqaraluarpoq – tamannalu 5.000 koruuninik tassa naleqartussaagaluarluni.

Naggaterpiaagulli aalajangiisussap, tassalu naalagaaffiup unnerluussisuata, Finn Karlsenip eqqartuussassanngortinneqannginnissaa qinerpaa.

Sooq taama pisoqarnersoq ilisimaneqanngilaq.

Politimestereqarfimmit politimesterip sinniisuata, Bjørn Bay-ip, tusakkat uppernarsarusunnagillu pasinaarusunngilai.

Suliaq aallartippoq, Finn Karlsen inummik nikanarsaasimasutut Kalaallit Nunaanni Sulisitsisut Peqatigiiffianit eqqartuussassanngortinneqarmat.

Tamanna pivoq, Great Greenlandip pisortaanerata aningaasanik peqquserluuteqarsimasutut Finn Karlsenimit pasillerneqarnera Radioavisimit tusarliunneqareersorlu. Pasilliinerit tunngavissaqanngitsut.