Filmimik takutitsineq nersorinninniutaanngitsoq
Isumaqartoqassappat filmip takuteqqinneqarnera inuiaqatigiit nagguiinik ineriartornerannillu misissuinermik nersorinninniutaasoq, tamanna kukkuneruvoq.
Tassami suliniaqatigiiffik inuiaqatigiit nagguiinik ineriartornerannillu filmilianik pitsaanngitsunik sammisaqaqatigiiffik, aamma peqatigiiffik Kuratorisk Aktion, filmip takuteqqinneqarnissaanik aaqqissuisuupput.
Suliniaqatigiiffik eqqumiitsuliortumit Pia Ark'e-mit, taassuma qatanngutaanit Erik Gantimit aamma Anders Jørgensenimit 2000-ip aallartilaarnerani pilersinneqarpoq.
Taakku soqutiginninnertik aallaavigalugu, nunap inoqqaavisa, ilaatigut "eskimuut", nunanit killermiunit inuiaqatigiit nagguiinik ineriartornerannillu misissuisunit filmiliortartunillu, ukiuni kingullerni 90-ini qanoq saqqummiunneqartarsimanersut misissuiffigisarpaat.
Taakkua takusamik kikkunnit tamanit takuneqarnissaat isummerfigineqarnissaallu kissaatigisarpaat. Taamaattumik filmi arfininngorpat takutinneqareerpat, filmeqataasut Erik Gantimit oqallitsinneqassapput.
Filmi saqqummersitap TUPILAKOSAURUS-ip ilagaa, ilaatigut taaguuserneqartoq, "Pia Ark'e-p eqqumiitsuliornermut, immikkut inuiaassusermut nunasiaateqarnerullu oqaluttuarisaaneranut akerliuniarnera".
'Alaska qimussimik angalaffigalugu' tassaavoq filmip 1926-meersup nipitaqanngitsup taaguutaa. Tassani filmiliarineqarluni issittumut ilisimasassarsiortartup Knud Rasmussenip ilisimasassarsiorluni angalanerata tusaamasap "Inuit Nunaannik Kaajallaanialunnerup" naammassiartornerata filmiliarineqarnera.