Issittormiut filmiliornermut aningaasaateqarfiliortut
Issittumi Canadami, Laplandimi, Ruslandimi Nunatsinnilu nunap inoqqaavi pillugit filmilianik siunissami takusaqarnerusalernissarput Filmiliornermut aningaasaateqarfiup pilersinneqaqqammersup qulakkiissavaa.
Allattoq Bikki P. Kleist
marsip 09-at 2018 08:07
Aningaasaateqarfik Arctic Indigenous Film Fundimik taaguuteqartoq Norgep avannaatungaani Kautokeinomi ataatsimeersuarnermi ippassaq sisamanngornermi pilersinneqarpoq.
Aningaasaateqarfik nunap inoqqaavi pillugit kulturikkut oqaatsillu pillugit siuarsaanissamut suleqatigiinnerulernissamullu aqqutissiuisussamik suliaqarniartunit soorlu ilaatigut suliffeqarfinnit universitetiniillu tapiisalissaaq.
Aningaasaateqarfik Norgemi The international Sami Film institutep ataaniittussaq, suleqatigiinnit tallimanit tassa FILM:GL-imit, Canada Media Fundimit, Nunavut Film Development Corporationimit aamma Ruslandimi Yakutiami Archy Film Associationimit pilersinneqarpoq.
