Filmi ´Parasite´ Oscarimik nersornaaserneqartoq
Filmi "Parasite", Oscarinik unnuaq nersornaasiinermi nunanit allanit filmiliani siullersaalluni nersornaaserneqarpoq.
Filmiliat pitsaanerpaatut innersuunneqarnermini Oscarinnappoq, filmiliat tuluttut oqaasertalerneqarsimanngitsut akornanni siullersaattut Oscarinnalluni. Oscarit ukiut 92-it matuma siornatigut tunniunneqartalerput.
Filmiliat tuluttut oqaasertalerneqanngitsut Oscarimut innersuunneqarsimasut maannamut aqqaniliupput, siullerpaamillu maanna Oscarinnattoqarluni.
"Parasite" sisamanik Oscarinnappoq, ilitsersuisut pitsaanerpaatut, manuskriptiliat pitsaanersaattut, nunani tamalaat akornanni filmiliat pitsaanerpaatut, ataatsimullu isigalugu filmiliat pitsaanersaattut Oscarinnalluni.
Korea Kujallermi iIlaqutariit suliffeqanngitsut filmiliami oqaluttuarineqarput. Taakku ilaqutariinni pisuujusuni sulilernerat "Parasite"-mi oqaluttuarineqarpoq.
Arnani isiginnaartitsisartoq Renée Zellweger filmiliami "Judy"-mi pingaarnertut inuttaasutut Oscarinnappoq, angutinilu Joaquin Phoenix filmiliami "Joker"-imi pingaarnertut inuttaanini Oscarinnassutigalugu.
Nersornaaseqartut ukuupput:
Filmiliani pitsaanerpaatut - Parasite
Ilitsersuisuullaqqinnerpaatut - Bong Joon-ho (Parasite)
Arnani pingaarnertut inuttaasuni pitsaanerpaatut - Renée Zellweger (Judy)
Angutini pingaarnertut inuttaasuni pitsaanerpaatut - Joaquin Phoenix (Joker)
Arnani inuttaaqataasuni pitsaanerpaatut - Laura Dern (Marriage Story)
Angutini inuttaaqataasuni pitsaanerpaatut - Brad Pitt (Once Upon a Time in Hollywood)
Naleqqussarlugu allaqqitamik pitsaanerpaamik manuskriptilittut - Jojo Rabbit
Allaqqaakkamik pitsaanerpaamik manuskriptilittut - Parasite
Qarasaasiakkut titartakkanik aalasuliani pitsaanerpaatut - Toy Story 4
Piviusulersaarusiani pitsaanerpaatut - American Factory
Nunanit allanit filmiliani pitsaanerpaatut - Parasite
Pitsaanerpaanik assiliartalersukkatut - 1917
Atisat pitsaanerpaat - Little Women
Katiterluarneqarnerpaatut - Ford v Ferrari
Tarnutinik atuinermik nujalerinermillu torrallaaffiunerpaatut - Bombshell
Nipilersuuserneqarluarnerpaatut - Joker
Erinarsuuserneqarluarnerpaatut - (I’m Gonna) Love Me Again (Rocketman)
Filmiliornermi ingerlatsilluarnerpaaffiusutut - Once Upon a Time in Hollywood
Nipinik katiteriffiulluarnerpaaffittut - Ford v Ferrari
Nipileriffiulluarnerpaaffittut - 1917
Assitalersugaalluarnerpaatut - 1917
Qarasaasiakkut titartakkanik aalasulianik naatsuliani pitsaanerpaatut- Hair Love
Piviusulersaarusiani naatsuliani pitsaanerpaatut - Learning to Skateboard in a Warzone (If You’re a Girl)
Filmiliani naatsuliani pitsaanerpaatut - The Neighbors’ Window
