Filmi ”Lykkelænder” akissarsitinneqarpoq
Filmfestivalerneq Copenhagen Dox sapaatiummat naggataarnersiornerani filmi akissarsitinneqarpoq.
Filminik ilitsersuisartup qallunaap Lasse Lau-ip filmiliaani qallunaarpassuit kalaallinik isiginnittaasaat, inuiaqatigiillu kalaallit pillugit ilisimasaat immikut sammivai.
Filmiliaq piviusulersaarutaallunilu isiginnaartitsinertalimmi Kalaallit Danmarkimiittut qallunaanit inernileriikkanik isiginnittaasii pillugit imaqarpoq, Nunatsinnilu namminersulivikkusunneq aamma immikkut sammineqarluni.
AAMMA ATUARUK Danskere er ’privilegerede uvidende’ om Grønland
Filmimik akissarsititsinermut aaliangiisartut ”oqaluttuarisaanermi equngassutit kingunerisaanik ullutsinni pissutsit pillugit nuannersumik, pinnguarpalaartumik tupigusuppaluttumillu filmip oqaluttuarinera.” akissarsititsinermut tnnngavilersuutigineqarpoq.
Filmi Københavnimi filmfestivalertoqarnerani takuteqqaarneqarpoq, filmilianeqarneranilu isiginnaartitsisartut filmiliortartullu nunatsinneersut peqatigigalugit suliarineqarluni.
AAMMA ATUARUK Nunarput pillugu filmiliat marluk takuteqqaarneqalersut