Filmiliaq Nunavimmi oqallitsitsingaatsiarpoq

Nunavimmi naggueqatigiit inuit pillugit isiginnaagassiaq nutaaq oqallissutigineqarpoq. 

Isiginnaagassiaq Of the North Kalaallisut Avannaanit, isiginnaagassiamik ilitsersuisumit Dominic Gagnonimit suliarineqartoq, Nunavimmiunut nikassaarpasissunik assilialersorneqarsimavoq.

Filmi Canadamiut nutaarsiassaqartitsiviata CBC-ip quppersagaani takuuk.

Youtubemi filmiliaaqqat, Nunavimmiunik aalakoorujussuartunik arlaatigulluunniit ajortuliorniarsarisunik takutitsisut Gagnonimit katiterneqarput. 

Erinarsortartup Tanya Tagap naggueqatigiinni inunni ilisarisimaneqarluartup tamanna kamaatigeqaa, maalaaruteqaqqusillunilu.

Naggueqatigiit inuit inuusuttaasa arlallit filmiliaaqqatik Youtubemut ikkussimasatik isiginnaagassiamut taama atorneqarneri  maalaarutigaat. Isiginnaagassiarli suli isiginnaarneqarsinnaavoq. 

Naggueqatigiit Inuit ilitsersuisumit Nunavimmiinnikuunngitsumit najugaqartullu pissusaannik ilisimasaqanngitsumit taama saqqummiunneqarnerat ajunnginnersoq Nunavimmi maanna oqallisigineqarpoq.