Facebookimik aallarniisoq ikiortissaminik robottiliulersoq
- Allaanavianngilaq Jarvis filmimit "Iron Man"-imit, Zuckerberg ilaatigut taama allaaserisaqarpoq, tassungalu atatillugu teknologii atuuttoq misissuiffiginialernerarlugu.
Robotip Mark Zuckerbergip nipaanik ilinniartinneqarnissaa maanna anguniarpaa, illumi ikiortaasinnaanissaa siunertaassalluni, assersuutigalugu nipilersuutit appinneqartartut, illuatalu iniisa kiassarneqartarnerat aqussinnaanngussallugu.
Ikinngutaasalu kiinnaat robotip ilisarisalissagai Zuckerbergip aamma sulissutiginiarpaa, ikinngutai pulaarniaraangata ilisarisalerniassammagit.
- Quianartumik pissanganartumillu tamanna unammillerneqarnerussaaq, robotimik taamaattumik pilersitsiniarnermi suliap ingerlanera Facebookikkut allaaserineqartarnissaa neriorsuutigalugu.
Zuckerbergip, Facebookimik piginneqataassutimi 99 procentii ajunngitsuliornernut atorneqarnissaat pillugu tunniuteqqammerpai. Amerikamiut aningaasaatilissuit aningaasaatitik ajunngitsuliorniarnernut ukiuni kingullerni tunniuttarnikuuaat, Mark Zuckerbergilu taakkununnga maanna ilanngulluni.
/ritzau/