Faceapp FBI-init misissorneqassasoq
Appi nuannarineqarluartoq inuit millionilikkaat piffissami kingullermi atorpaat. Appimilli piginnittup russit suliffeqarfiutaata appimik atuininni illit pillutit paasissutissanik katersilluni toqqorterisinnaanera ajornartorsiutaavoq.
- Appit akeqanngitsut taamaattut atoraanni nalinginnaasumik atuisut inuttut paasissutissaatiminnik appimik ingerlatsisunut tunniussisarput. Assersuutigalugu Google-Mapsip illit sumiinnerit malinnaaffigisarpaa, teknologiimut tunngasunut immikkut ilisimasalik Todd Hazelton amerikamiut tv-qarfianut NBC-mut oqarpoq.
Faceapp Ruslandimi suliffeqarfimmit Wireless Labimit pilersinneqarpoq. Taanna Appleip App Storeatigut Google Playikkullu aaneqarsinnaavoq, aallerfinnilu taakkunani appini nuannarineqarnerpaani siullertut inissisimavoq.
Appip atorneqarnera russillu taassuminnga piginnittut paasissutissanik aallertarnerat Amerikami senatimi Demokraatit siulittaasuata Chuck Schumerip ernumanartoqartippaa, FBI-lu misissuitikkusullugu.
Appimilli piginnittut pisortaanerata isornartorsiuineq tunngavissaqannginnerarpaa Faceappimillu atuisut paasissutissaataannik Ruslandimut annguttoqartannginnerarlugu.
