Præsidentip nulia Melania Alaskamiillatsiartoq
USA-mi Præsidentip Donald Trumpip Alaska suli tikeraanngilaa, præsidentilli nuliata, Melania Trumpip amerikap avannaa sivikitsumik tikeraaqqammeraa, Marianne Stenbækip ilanngutassiaraa.
AAMMA ATUARUK Qimmit qimuttut nukkassaatitortinneqarsimasut
Præsidentip timmisartorsua Beijingimit piffissami sivisuumi Washingtonimukaartilluni Anchoragemi sakkutoorfimmi akunnerup ataatsip missaani orsersoriartorluni nunnillatsiarpoq.
Melania Trumpillu piffissaq atorluarlugu meeqqat sakkutooqarfimmi persuarsiutigineqartumik ilassiorpai, tamannalu najuuttunit nuannaarutigineqaqaaq.
Melaniap meeqqat nukarliit pinnguaqatigitsiarpai, meeqqallu titartagaat eqqumiitsuliaallu alutorsaatigisimallugit.
Melania Trumpip uimi Asiamut angalaneranut ilaavoq nunallu assigiinngitsut tikeraareerlugit kisimiilluni sioqqutsilluni Washingtonimukarluni.