Europami inatsisartut nalunaaquttap nikisittarnera atorunnaarsikkumagaat
Ukiumummi marloriarluta nalunaaqutaq nikisittartarput, tamannali atorunnaarsinneqartariaqartoq, Europami inatsisartut isumaqarput.
Aasaanerani nalunaaqutaq sapaatiuppat marsip ulluisa 31-anni atulerpat akunnermik ataatsimik nalunaaqutaq siuartinneqassaaq.
AAMMA ATUARUK Justus Hansenip nunatsinni assigiimmik nalunaaqutaqarnissaa kissaatigigaa
Tamannali Europami inatsisartut allannguiffiginiarpaat. Amerlanerussuteqartummi nalunaaquttap nikisinneqartarnerata atorunnaarsinnissaannik kissaateqarlutik ullumi taasipput. 2021-miillu nunat EU-mit ilaasortat namminneq aalajangissavaat nalunaaquttamik nikitsitsarneq atuutsiinnassanerlugu atorunnaarsinneqassanersorluunniit.
Aasaanerani ukiuuneranilu nalunaaquttap nikisinneqartarnera 1980-imi eqqunneqarpoq. Nunat maanna EU-miittut aasaanerani ukiuuneranilu nalunaaquttap nikisinneqartarneranik atuutilersitsillutik.