Justus Hansenip nunatsinni assigiimmik nalunaaqutaqarnissaa kissaatigigaa
Ittoqqortoormiini nalunaaquttap nunatta sinneranut sanilliullugu akunnernik marlunnik siulliunera, Demokraatineersup Justus Hansenip paasisinnaanngilaa.
Allattoq Thomas Munk Veirum
Taassumami Naalakkersuisunut § 37 naapertorlugu apeqqutigaa Kalaallit Nunaata tamarmiusup assigiimmik nalunaaqutaqalernissaa sulissutiginiarneqarnersoq.
Ittoqqortoormiit akunnernik marlunnik siulliunera Justus Hansenip naleqqussorinngilaa:
- Nunarput inukitsunnguuvoq taamaattumik nunap innuttaasa aallaavigalugu nunap sinneranut naleqqiullugu akunnernik marlunnik siulliunerat pisariaqarsorinngilara, Justus Hansen § 37-mut allappoq.