Europami 2020-mi aatsaat taama kiatsigisoq

Europami aasaanerani siorna aatsaat taama kiatsigaaq.

EU-p nunarsuup kiassusaanik nakkutilliiffia, Copernicus, sisamanngornermi taama ilisimatitsivoq.

Issittumi nittaappiarsimanngimmat nunap ilaa ikuallarujussuarsimavoq.

Uuttortaasoqartalermalli Europami 2020-mi agguaqattigiisillugu aatsaat taama kiatsigaaq. Ukiut kiannerpaaffiusimasut siuliinut naleqqiullugu agguaqatigiisillugu minnerpaamik 0,4 gradinik kiannerusimavoq.

- Europami ukiup qanoq ilineraniluunniit kiatsikkiartortarpoq, Copernicusimi ilisimatooq Freja Vamborg nutaarsiassaqartitsivimmut Ritzauimut oqarpoq.

AAMMA ATUARUK Immap sikua aatsaat taama annikitsigileriartortoq

Issittumi 2020-mi uissuumminartumik pisoqartoq, Vamborg oqarpoq Sibiriamilu nunap ilaata ikuallarujussuarnera assersuutigalugu.

Siorna aatsaat taama kiatsigisoq, Naalagaaffiit Peqatigiinni silasiortut nunarsuaq tamakkerlugu suliniaqatigiiffiat WMO aamma ilisimatitsivoq.