Politikki

EU-p aalisartagassai isumaqatigiinniutigineqartut

Namminersorlutik Oqartussat EU-llu kommissioniata, Inatsisartunut qinersisoqartussanngoraluartoq, aalisarneq pillugu isumaqatigiissummi aalisarneqarsinnaasutut aalajangersakkap januaarip aallaqqaataani 2016-imi atuutilertussap nutarterneqarnissaa pillugu, septembarip 30-anit oktobarip aappaata tungaanut isumaqatigiinniarput.

Allattoq Karsten Sommer

oktobarip 08-at 2014 08:02

Nutserisoq Simon Uldum -

Isumaqatigiinniarnerit immikkoortortaqarfimmi pisortaq Emanuel Rosing siuttoralugu Nuummi ingerlanneqartut isumalluarnartumik ingerlasimasut, Aalisarnermut naalakkersuisoqarfimmit oqaatigineqarpoq.

Aalisarneq pillugu suleqatigiinnissamik isumaqatigiissummi Nunatta tunniussassai tassaapput EU-mut aalisagartassiissutit, taakkulu Europami umiarsuaatillit peqatigalugit Nunatta imartaani aalisarneqassapput, paarlattuanillu EU nunatsinni ilinniartitaanermut aningaasatigut tapiissuteqassalluni.

Isumaqatigiissut atuuttoq decembarimi 2015-imi atorunnaassaaq
Aalisarneq pillugu suleqatigiinnissamik EU-mut isumaqatigiissut, decembarimi 2015-imi atorunnaartussaq, nunatta ukiumoortumik 133 millionit koruuninik pissarsissutigisarpaa.

Isumaqatigiissummuttaaq ilaapput aalisarnermik nakkutilliinermut uumassusilinnillu misissuinermut tapiissutit.

Kalaallit isumaqatiginninniartitaat, Aalisarnermut naalakkersuisoqarfimmeersut saniatigut aalisarnermik inuussutissarsiuteqartunit aammalu aalisartut kattuffiinit peqataaffigineqarput.

EU-p aalisartagassai isumaqatigiinniutigineqartut

Aamma atuaruk