EU-mi siulittaasup tullia Kalaallit Nunaannut inussiarnersoq
Diana Wallis EU-parlamentimi pissaaneqarnerpaat ilagaat. Suliaminut isersimalluartorujussuuvoq aammalu Kalaallit Nunaannut tunngassuteqartunik ilisimasaqarluarluni, Knud Kristiansen oqarpoq.
Puisit amiisa naggueqatigiinnit inunnit pisuunerisa nalunaarsorneqarnissaat pillugu EU kommissioni maannakkut suliniuteqarpoq. Puisinit pisunit EU-mut eqqusseqqusiunnnaarneq novembarimi aalajangiunneqarpoq, taamaattorli puisit amii naggueqatigiinnit inunnit pisut immikkut akuerisaallutik, EU-mut eqquteqqusaapput.
Puisit Kalaallit Nunaanni piniartunit pisarineqartut pisarineqarneraniit amiisa Ålborgimut tikiunneqarnerat tikillugit nalunaarsorneqarnerat, Inatsisartut Nunanut allanut Isumannaalisaanermullu Ataatsimiititaliaata Bruxelles-imiiinneranni erseqqissarneqarpoq.
Puisit piniarneqartarnerat aammalu amiisa tunineqartarnerisa kalaallinut pingaaruteqassusianik paasisitsiniaasoqartariaqartoq, Knud Kristiansenip erseqqissarpaa.
Inatsisartut Nunanut allanut Isumannaallissarnermullu Ataatsimiititaliami ilaasortat Bruxelles-miinnerminni ilaatigut Kalaallit Nunaata OLT-imi ilaasortaanerata siunissami qanoq inissisimanissaa kiisalu EU-p ilinniartitaanermut tapiissuteqartarnera eqqartugaasa ilagaat.