Nunanit allanit

EU-mi ministerit Tyrkiamut assuarinnittut

Syriami pissutsit ilungersunarput, nunanut allanut tunngasunut ministeri, Jeppe Kopod oqarpoq, taassumalu Islamisk Statikkut takkuteqqinnissaat ernumassutigaa.
Tyrkiap Syriap avannarpasissuani kurderinut saassussineq sapaatip akunnerata ataatsip matuma siorna aallarnerpaa. Assi © : Nazeer Al-Khatib/AFP/Ritzau Scanpix
Ministerit arlaqartut taakkununnga ilaalluni Danmarkip nunanut allanut tunngasunut ministeria Jeppe Kofod, ataatsimoorluni assuarinnittoqarnissamik piumasaqarput, Tyrkiamiullu saassussinerisa unitsinneqarnissaat pillugu Tyrkiamut sakkunik tunisinerup unitsinneqarnissaanik oqariartuuteqarlutik. Assi © : Bulent Kilic/AFP/Ritzau Scanpix
Allattoq Ritzau
oktobarip 14-at 2019 09:38
Nutserisoq Jaaku Lyberth

Tyrkiamiut sakkutuuisa Kurderinut Syriap avannarpasinnerusortaaniittut saassussinerat ilungersunartorujussuusoq, EU-mi nunanut allanut ministerit taama oqarput.

Ministerit arlaqartut taakkununnga ilaalluni Danmarkip nunanut allanut tunngasunut ministeria Jeppe Kofod, ataatsimoorluni assuarinnittoqarnissamik piumasaqarput, Tyrkiamiullu saassussinerisa unitsinneqarnissaat pillugu Tyrkiamut sakkunik tunisinerup unitsinneqarnissaanik oqariartuuteqarlutik.

- Una pillugu Europa ataatsimoorsinnaasuuguni ajunngilluinnassagaluarpoq, saassussinerillu unitsinneqarnissaanik erseqqissumik Tyrkiap præsidentianut Erdoganimut oqariartuuteqarluni. Assuarinikuuakka, danskit nunanut allanut tunngasunut ministeriat Kofod oqarpoq.

AAMMA ATUARUK Tyrkiamiut sakkutuui Syriamut isaasut

Sakkunik Syriami atorneqarsinnaasunik Tyrkiamut akuersissutinik nutaanik tunniussisarneq Danmarkip 2018-mili unitsinnikuuai, nunanut allanut tunngasunut ministeri taama itisiliivoq.

Tassumalu nunat EU-mut ilaasortat aallat taamaaliornissaanik kaammattorpai.

Frankrigemi nunanut allanut tunngasunut ministerip Jean-Y es Le Drianip nunat illersoqatigiit kaammatorpai, nunat Islamisk Statimut akiuniartut amerikamiut qimagunnerannit pisut pillugit oqaluusereqqullugit.

AAMMA ATUARUK Putin ataatsimeeqateqareernermi: Syriami sorsukkunnaartoqassaaq

 

Aamma atuaruk