- EU-p Issittumi aalaakkaanermik, isumannaassusermik suleqatigiinnermillu nittarsaassinissaminut nunat akornanni politikkikkut soqutigisani siammasissumik nassuiartariaqarai taama ineriartornerit takutippaat, Josep Borrell tusagassiuutinut nalunaarummi oqarpoq.Assi: Hannibal Hanschke/Reuters

EU-Kommissioni Issittumi inissisimalluarneruniarluni Nuummi allaffeqalerusuttoq

Issittumi inissisimanissaq illersornissamutut pingaartutut isigineqarpoq. Taamaammat EU-Kommissioni Nuummi allaffeqalerniarpoq.

EU Issittup "sakkulersorfiunnginnissaanut attanneqarsinnaasumillu ineriartornissaanut" ikioqataajumalluni Issittumi pitsaanerusumik inissisimaniarpoq.

Taamaammat EU-Kommissioni EU-p Issittumi najuunnerunissaanut suliaqarnerunissaanullu Nuummi allaffimmik pilersitsiniarpoq.

Ritzau taama allappoq.

Issittoq EU-p illersornissaanut pingaaruteqarmat, EU-Kommissioni nunatsinni allaffittaarusuppoq.

Silap pissusia, aatsitassat nunarsuup ilaani Issittumi sunniuteqarsinnaaneq tassani pineqarput.

Taamaammat EU-p Issittumiinnissani pingaartippaa. EU-p nunanut allanut tunngasunut qullersaa Josep Borrel taama isumaqarpoq.

- Issittoq allanngorartuarpoq. Nunarsuup kianneruleriartorneranit sunniutit, pinngortitamit pisuussutinut unammisoqarnerunera nunarsuullu ilaani Issittumi politikkikkut akeqqersimaarneq tamatumunnga pissutaapput.

- EU-p Issittumi aalaakkaanermik, isumannaassusermik suleqatigiinnermillu nittarsaassinissaminut nunat akornanni politikkikkut soqutigisani siammasissumik nassuiartariaqarai taama ineriartornerit takutippaat, Josep Borrell tusagassiuutinut nalunaarummi oqarpoq.

Pissaanilissuit soorlu Kina, Rusland USA-lu Issittumi sunniuteqarsinnaanermut unammipput. Tassalu aamma EU Issittumi suliaqarnerulerniarpoq.

EU-Kommissioni uuliap, aamaruutissat gassillu nunamiiginnarnissaannik kissaateqartoq periusissiami allaqqavoq.

Taama kaammattuuteqarneq silap pissusiata allanngoriartorneranut akiuinermut ilaasutut isigineqassaaq.

Kommissionip silap pissusaata allanngoriartornera Issittumi unammillernarnerpaasutut taavaa.

Nuummi allaffissamik pilersitsinikkut nunatta EU-llu aamma suleqatigiinnerulernissaat anguniarneqarpoq.

Ilaatigut nunatsinnut tapiissutit taavalu nunatta EU-Kommissionillu suleqatigiilluarnerunissaat allaffimmit isumagineqartassapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat