EU isorliunerusuni internetip attaviata pitsaanerulernissaanut aningaasaliissuteqartoq

EU-p nunatsinni internetimut attavimmut 9,2 millionit eurot ukiuni tulliuttuni tallimani aningaasaliissutiginiarpai. Tamanna 75 millionit koruuningajannik naleqarpoq. EU-p 5 millionit eurot aningaasaliissutigissavai, Danmarkip 2 millionit eurot nunattalu 2 millionit eurot nammineq aningaasaliissutigissallugit.

Tamanna  Ursula von der Leyenip, Mette Frederiksenip Jens-Frederik Nielsenillu ullaaq manna atsioqatigiinnerit marluusut siullersaanni saqqummiuppaat.

EU-mit aningaasaliinerit Qaanaami, Ittoqqortoormiini, Tasiilami illoqarfinnilu minnerni arlalinni nunaqarfinnilu internetikkut siunissami attavigissaarnerulersitsissapput.

Assersuutigalugu Qaanaami innuttaasut internitikkut attaviisa sukkassusaat ullumikkut 6 megabitimiippoq, taakkualu internetimut attaviisa sukkassusaat siunissami 15 megabitimiilissaaq.

Isumaqatigiissut una pisisartunut qaammataasaqarfiusuneersunut siullertut iluaqutaassaaq.Savissivik, Ittoqqortoormiit, Qaanaaq aamma Tasiilaq, Tusassimi allaffissornermi pisortaq Jonas Hasselriis taama oqaluttuarpoq. 

Illoqarfiit nunaqarfiillu radiokædemut attaveqartut saniatigut taartissaqartillugit attaviit annertuserusuppagut, taamaammat radiokædemut attaveeruttooraluarunik nunarsuup sinneranut suli attaveqartoqarsinnaassalluni, taamaammat atuisartorpassuit qaammataasatigut suleqatigiinneq pitsaanerusoq iluaqutigisinnaallugu.

Pitsanngoriarnerujussuaq

Illoqarfiit pingaarnersaani internetitut sukkatiginngilaq pitsanngoriarnerujussuuvorli, Tusassimi pisortaaneq Jonas Hasselriis oqarpoq. 

- Internet sukkatsikkiartuaaruusaassuarput ataatsikkummi pigutsigu unittooqinammat, Jonas Hasselriis oqarpoq. 

Aningaasaliinerulli nunarput isumannaannerulersissavaa, pissutigalugu nunaqarfiit avinngarusimanerusut qaammataasakkut attaveqalissapput. 

Massakkut radiokædemik atassuteqarpoq, taannalu ungasissumut internetseqarnissamut oqarasuaatikkullu oqaloqatigiinnissamut kabeleqanngitsumik digitalikkut aqqutaavoq. 

Aqqutit taakku radioqarfinneersuupput, taakkulu sinerissami qaqqanut inissinneqarsimapput. 

- Radiokædet aserorpata, illoqarfiit nunaqarfiillu attaveerutissapput taamaattumik pilersuinissamut isumannaallisaanerulissaagut. 

- Pisisartunulli ulluinnarni sukkasuumik attaveqaateqarnissaq pingaarneruvoq. 6 megabitimiit 15 megabitimik attaveqarneq allaanerujussuuvoq, Jonas Hasselriis oqarpoq. 

Suliniummi EU-p aningaasaliissutaata saniatigut, Danmark 15 millionit koruuninik aamma tapiissuteqarpoq. 

- Ullumikkumut aaqqiissuteqarallarpugut, taava nunatta isorliunerusortaani ukiup tulliata ingerlanerani pitsaanermik aaqqiissuteqarumaarpugut.