Sakkortusaaviliorneq silarluttarneranit akornusersorneqartoq

Uummannap Upernaviullu akornanni sakkortusaaviit sisamat attavilerniarnerat silap ajortarneranik akornuserneqarput, Tele Post taama nalunaarpoq.
Assi © : AK Montage
Allattoq Jaaku Lyberth
aggustip 18-at 2018 11:55

Sakkortusaaviit siorna sanaartorneqarneranni aputeqarpallaarneranik akornuserneqarput, ukiormannalu ulluni amerlasuuni pujorsimanera pissutigalugu sakkortusaaviit naammassillugit suliarineqarniarneqarnerat ajornakusoorluni.

Juunip aamma juulip qaammataanni ullut 40-t missiliorlugit sakkortusaaviliorfiit eqqaanni pujorpoq, qulimiguullillu assartuisinnaanatik, Tele-Post tusagassiuutinut nalunaaruteqarluni taama allappoq.

AAMMA ATUARUK Aasaanerani apisarnera pissutaalluni sakkortuusaaveqalernissaq kinguaattoortoq

Sakkortuusaaviit atulerpata Upernavimmut qarasaasiakkut attaveqaatit sukkanerulissapput pitsaanerulerlutillu.
Maannakkut qarasaasiakkut attaveqaatit qaammataasat atorlugit attaveqarput.

Sakkortusaviit illutassai antennillu piareeqqapput, sakkortusaavilli imminnut attaveqalernissaat taamaallaat amigaatigineqarput, taakkualu septembarip qaammataani attavilerniarneqarput, Emil Kleemann IT-mut Attaveqaatinullu immikkoortortaqarfimmi Tele-Postimi qullersaq KNR-imut taama oqaluttuarpoq.

 

Aamma atuaruk