Torersumik pitsaasumik arlaatigut ingerlariaqqittoqarnissaa naatsorsuutigisariaqarparput, Erik Jensen oqarpoq.Assi: KNR / Malik Brøns

Erik Jensenip qinersinissaq kissaatiginngikkaa

Siumup siulittaasortaavata Erik Jensenip maanaannaq qinersinissaq kissaatiginagulu naatsorsuutiginngilaa.

Naalakkersuinikkut siunissami susoqassanersoq suli aalajangerneqanngilaq. Siumulli siulittaasortaavata, Erik Jensenip qinigaaffik naanngitsoq qinersinissaq soqutigisarinagu oqarpoq.

- Nassuerutigissavara qinersinissaq kissaatiginanngimmat, naatsorsuutiginngilaralu pisariaqalissasoq. Kisianni torersumik pitsaasumik arlaatigut ingerlariaqqittoqarnissaa naatsorsuutigisariaqarparput, Erik Jensen Qanoruumut ippassaq oqarpoq nangillunilu.

- Kisianni atagu takulaariartigu qanoq pisoqassanersoq, oqaloqatigiinnerillu qanoq tamakkua ineriartortikkumaarneraat siulersuisuunerit ulluinnarnilu aqutsisut ingerlateqqaalaarlissuk.

AAMMA ATUARUK Siulersuisut Kielsen Naalakkersuisunut aqutsiinnassanersoq suli isummerfiginngikkaat

Partiimi siulittaasup taarsernerani Siumut Naalakkersuisunut siulittaasuunngitsumik siulittaasoqalerpoq. Tamanna Erik Jensenip ajornartorsiutiginngilaa.

- Kim Kielsen ajornartorsiuteqarfiginngilara, aamma taamatorluinnaq Inatsisartunut ilaasortat, borgmesterit aamma immikkoortortaqarfiit allallu Siumukkormiut minnerunngitsumillu partiit allat suleqatiginissaat oqaloqatiginissaallu aamma ajornartorsiuteqarfiginngilakka, Erik Jensen oqarpoq.

Nangipporlu:

- Ullut tulliuttut ukua takulaariartigit oqaloqatigiinerit qanoq ineriartorumaarnersut, Erik Jensen oqarpoq.

Siulersuisuunerit aalajangiissasut

Erik Jensen Naalakkersuisunut ilaasortaanikuuvoq, siulittasuminillu isorinninnini pissutigalugu atuuffimminiit maannaannaq tunuarluni.

Naalakkersuinikkut qanoq pisoqassanersoq Siumumi siulersuisuuninngortut aalajangerumaaraat Kim Kielsen Erik Jensenilu partiimut sapaatiummat siulittaasumik qinersereernerup kingorna KNR-imut oqarput.

Partiimi siulittaasup Naalakkersuisunut siulittaasuunnginnera qanoq kinguneqasaanersoq, Siumup siulersuisuunertaavisa suli isummerfiginngilaat.

Erik Jensen Sisimiunut ullumikkut angerlartussaagaluarpoq. Nuummiinissanili sivitsulaarlugu, pisussat ataatsimiinnissallu pingaarutillit peqataaffigeqqaarniarlugit aamma oqarpoq.

Erik Jensenip partiip iluani eqimattanut aggulunnissaq perusunngilaa ataatsimoornissarlu piffissaasoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat