Eqqusanik nerisassiortalissapput

Tamanna Royal Greenlandip nittartagaani atuarneqarsinnaavoq.

- Tunisassiassaq tamaaniippoq, pisiassaq pilerigineqarpoq, maannalu apeqqutaaginnalerpoq nioqqutissiassap tunisassiarinera imminut akilersinnaanersoq, Royal Greenlandip nutaamik pilersitaani Business Developmentimi uumassusileritooq, Nikoline Ziemer oqarpoq.

Sulili nutaajulluinnartoq aatsaallu misileraasoqartoq, Nikoline Ziemer erseqqissaavoq.

Eqqusat pisiassaapput pilerigineqartut, ingammik Japanimi, aammali Europami USA-milu tuniniaavissaqarluni. Eqqussap suai tassaapput nerineqartartut.

- Atuisartut tunisassiassaq sapinngisamik nutaajutillugu perusuttarpaat, taamaattumik paasiniartariaqassavarput tunisassiassaq qitiutinneqassanersoq, tarajorneqarluni allatulluunniit iliorluni avammut nioqqutissiarineqassanersoq, Nikoline Ziemer oqaluttuarpoq.

Eqqusat sinerissami 50 meterimiit 70 miiterisut ititigisumi uumasuupput, taamaattumik taamaallaat sinerissami pissarsiarineqarsinnaapput.

Qeqqusat niuerfinni periarfissaat uillut pillugit nalunaarusiap iluaniippoq, taamaalillunilu qeqquarniarneq tunisassiornerlu akisoorujussuanngorsinnaavoq.

- Uillut pillugit nalunaarusiaq naapertorlugu eqquarniannginnermi immap eqquarniarfissap eqqaa pingasoriarluni misissorneqassaaq eqqusanillu misissugassanik tigusilluni misissuisoqarluni. Taama misissuineq piffissaajarnarpoq pinerilu tamaasa 7.500 koruunit missaanni akeqarluni, tassalu eqquarniarneq imminut akilersinnaassanani. Taamaattumik eqquarniarniaraanni tunisassiaralugillu inatsit allanngortittariaqassasoq Nikoline Ziemer oqarpoq.