Eqquiniaatitsinermi akileraarutinik qaffaaniarneq akerleraat
Kattuffimmit isumaqarput tamanna ilaasortaminnut angisuumik ajornartorsiortitsilersinnaasoq, taamatullu aamma sinerissami peqatigiiffippassuarnut.
Illoqarfinni Radioqarfiit TV-qarfiillu imminnut napatinniarnerminni bingo ulluinnarni tapertarilluartaraat, STTK-mit tusagassiuutitigut nalunaarumminni allapput.
Bingomili kaaviiaartitat ukiuni kingullerni ikiligaluttuinnarput. Akileraarutilli marloriaammik qaffanneqarnerisigut bingomi peqataasartut ikileriarnissaat ernumanartoqarpoq. Tassami nunani allamiut aningaasanoornikkut pinnguaataat, soorlu lottorneq assigisaalu, aningaasanik eqquiffiusartut, Nunatsinnit ullumikkut unammillersinnaanngilluinnarpavut.
Eqquiniaasitsinermi akileraarutit qaffannagit, Nunatsinni peqatigiiffiit, timersoqatigiiffiit, suliniaqatigiiffiit, atuartut, allallu katersuiniartartut, oqalisaaffigigaanni pissusissamisoornerussagaluarpoq.
- Aningaasat maani Nunatsinni iluaqutissanngorlugit taakku atortarpaat, sinerissami Takusassiiviit Tusagassiiviillu Kattuffiannit, STTK-mit, allapput.
