Eqqissinerup ikumatitaa ikinneqarpoq

decembarip 03-at 2006 13:10

Eqqissinerup ikumatitaa, ataatsimuussutsimut, paasinninnermut, eqqissinermut ikinngutigiinnermullu ilisarnaatitut atorneqartoq Danmarkimi tamarmi aqqanilissaannik ukioq manna ikinneqarpoq.

Eqqissinerullu ikumatitaa nunatsinnut aamma nassiunneqarpoq, tassa Royal Arctic Linep assartuutaasa ilaannut ilaalluni Nuummut Sisimiunullu ingerlatinneqarluni.

Nuummi ualeru tallimaniit umiarsualivimmi Royal Arctic Linep silataaniit ikumatitalisaarluni Katuullit Oqaluffiata tungaanut ingerlaaqatigiittoqassaaq.

Eqqissinerup ikumatitaa Østrigimi 1980-ikkut ingerlaneranni ikinneqaqqaarpoq, piitsunut atugarliortunullu pigitinneqarluni. Europalli sinneranut kangianullu qiterlermut siarualertupallassimalluni.

Eqqissinerup ikumatitaa Jesusip inunngorfiani Betlehemmimi ikinneqartalerpoq, nunanullu assigiinngitsunut juullilernerani tassanngaannit ingerlateqqinneqartarluni. Nunat ilaanni ukioq naallugu ikumatinneqartarpoq, soorlu danmarkimi Roskildemi oqaluffissuarmi Sankt Laurentiimi ukioq naallugu ikumatinneqartarpoq, juullilernerani angerlarsimaffippassuarnut ingerlatinneqartarluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.