VIDEO Eqqartuussivissaq kinguaattoortoq
Kujataani eqqartuussivissaq juulip qaamataani naammassereertussaagaluartoq sanaartoneqarnerani aporfiiit assigiinngitsut pissutaallutit naammassinissaa qaammatini qulini kinguaattoorpoq.
Allattoq Mads Pedersen, Jørgen Semionsen
oktobarip 05-at 2016 14:23
2015-imi apriilimi kujataani eqqartuussivissaq sananeqalermat naatsorsuutigineqaraluarpoq ukioq manna juulimi naammassineqassasoq.
Silarluk kukkuluttorsimanerlu eqqartuussivissap kinguaattoorneranut ilaatigut pissutaapput. Sulisullu arfineq-marluusut naammagittartariaqarput.
- Taama sivisutigisumik kinguaattoortoqarnera soorunami ajuusaarnapoq.
- Eqqartuussivissap atulernissaata tungaanut illumik attartornikuugatta naammagittarpugut, kujataani eqqartuussisoq Louise Mølgaard Motzfeldt KNR-imut oqarpoq.
Ukiup affaa qaangiuppat eqqartuussivissaq naammassinissaa naatsorsuutigineqarpoq.
Qanoruup ilanngutassiaa allaaserisap ataani takuuk.
