Eqqartuussissuserisoq RAL-ip siulersuisuini siulittaasunngortoq
Kuno Fencker RAL-imi 2014-imi maajimi piffissami nutarteriffiusumi siulittaasuulertoq, umiarsuaatileqatigiiffik tusagassiuutinut allappoq.
Siulersuisunilu siulittaasunngortoq Ulrik Blidorf ima oqarpoq.
AAMMA ATUARUK RAL amigartooruteqaraluarluni neriuuteqartoq
- Royal Arctic Line ukiuni kingullerni malinnaavigisimavara, suliffeqarfillu pissanganaqisumik ineriartorpoq, qularinngilaralu tamanna Kalaallit Nunaanni atuisunut tamanut iluaqutaajumaartoq. Ammanerusumik ingerlaarsinnaaneq atuisunut sulisunullu nutaanik periarfissiissaaq. Siulersuisut aqutsisoqatigiillu peqatigalugit Royal Arctic Linemi allannguinissat pitsaasumik ingerlanneqarnissaat qulakkiissallugit qilanaarivara, siulersuisuni siulittaasuulersoq, Ulrik Blidorf oqarpoq.
Ulrik Blidorfip piginnaasai siulersuisunit atorluarneqalissasut RAL-ip pisortaanera, Verner Hammeken, oqarpoq. Pisortaaneq aamma oqarpoq, Kuno Fencker ingerlatseqatigiiffimmi suliaminik aallussilluarsimasoq, tamannalu pillugu qujaffigalugu.