Eqqakkanik immikkoortiterineq ajornannginnerulersinniaraat
![](/sites/default/files/styles/image_934x467/public/article_images/affald_0.jpg?itok=m3nTszyq)
Containerit eqqaavissat nutaat eqqagassanut assigiinngitsunut atugassat atorneqalernissaat maanna pilersaarutaavoq, assersuutigalugu puiaasat, igalaamerngit qillertuusallu immikkoortiterneqartalernissaannut suliniutigineqarnialerluni. Kommuneqarfik Sermersooq tusagassiuutinut taama nalunaaruteqarpoq.
Eqqagassanik immikkoortiterineq Kommuneqarfik Sermersuumi illoqarfimmit illoqarfimmut assigiinngitsumik ullumi pisarpoq, sumiiffinni ataasiakkaani pissutsit aallaavigalugit suna isumatusaarnerunersoq apeqqutaasarluni.
AAMMA ATUARUK Sermersooq minguittoorusuppoq
Nuummi eqqakkat nukissatut atorneqartarnerat assersuutigineqarpoq, tassami eqqakkanik ikuallaasoqarneratigut Nuummi Ikuallaavik kiassarnermut pilersueqataasarmat, soorlu aamma Nuummi innuttaasut eqqagassanik ulorianaatilinnik ajornanngitsumik ilorrisimaartumillu tunniussisinnaanerat oqaatigineqartoq, biilillu igitassanik mingutsitsisinnaasunik katersisartut sapaatit tamaasa angalaartarput.
- Kommuneqarfik Sermersuumi eqqakkanik passussineq isumatuumik akisussaassuseqartumillu ingerlanneqassaaq. Tamanna isumaqarpoq sumiiffinni pissutsinik misissuineq aallaavigalugu qanoq naapertuunnerpaamik ingelatsisoqarsinnaanera nalilersorneqartarmat, qanoq iliorluta silatusaarnerpaamik eqqakkanik immikkoortiterinermik ineriartortitsisinnaanerluta, Mille Søvndahl Pedersen, Kommuneqarrfik Sermersuumi Sanarfinermut Avatangiisinullu Ataatsimiititaliami siulittaasoq oqarpoq, nangillunilu:
- Taamaattumik Iserit A/S, Brigesni aamma Pisiffik attavigineqassapput, ungasinnerusumi INI aamma najugaqartut peqatigiiffii ilanngunneqarlutik, siammasissumik suleqatigiinnissamik kissaateqarfigineqarlutik, Mille Søvndahl Pedersen oqarpoq.
AAMMA ATUARUK Sermersuup eqqagassalerinermi suliniutaa nutaaq nersualaarneqartoq