Eqqaavissuaq ikuallaqqilersoq

Ilulissani eqqaavissuaq ikuallaqqilerpoq.

Ilulissani eqqaavissuaq sapaatit akunnerit pingasut ikumareerluni ikuallakkunnaarsimasoq, ippasaq oqaluttuaraarput.

Kisianni taamaavinngitsoq, Avannaata Kommuniata upalungarsimanermu pisortaa maanna nalunaarpoq.

AAMMA ATUARUK Brand i Ilulissat slukket efter tre uger

- Ippassaq nalunaarutigivara ikuallattoq qaminnerarlugu, tassanilu ilanngullugu eqqaasitsissutigivara suliap ingerlanera suli ingerlanneqartoq. Tassa qamisaaqqinnerit ingerlateqqippagut, tassani qulakkeerumallugu ilumut kissaq tamaat qulakkeerlugu qamissimanerlugu, Jens Dahl oqarpoq nangillunilu.

- Ippassaq unnuarlu kujasimmit anori sukasimaarsimavoq. Tassanngaaniillu silaannaq annertooq tasamunga naqqanut ingerlanermini tamakku kissartoqarfiit, eqeersarsimavai, taamaalilluni pujualaarnerit arlallit saqqummerseqqillugit.

Imermik ajornartorsiuteqarneq

Upalungaarsimanermut pisortaq, Jens Dahl taama poq.

Upalungaarsimasut aamma pumpenik immap tarajuanik eqqaavissuarmukaassuisunik ajornartorsiuteqarsimasut, Jens Dahl oqaluttuarpoq.

- Imaaninngaaniit maskiinat milluaasut, eqqaavissuarmut imermik tunioraasut, taakku ajornartorsiutigileraluarnerata kingorna aamma taakku peqqutaaqataallutik ikuallanneq nangeqqissimasimasinnaavoq. Kisianni qujanartumik marluullutik taakku ingerlapput, taamaalilluta nillusaanerput ajunnginnerusumik ingerlassinnaavarput.

Kisianni pujoq illoqrfimmut inuilullu ajoqutaanngitsoq, Jens Dahl oqarpoq.