Allorfik Atuaqatigiit ajugaasut 10.000 kr-nik akissarsisut
Sisimiuni atuartut assigalugit, Atuarfimmi Hans Lynge atuartut 5.A namminneerlutik aningaasanoornermut filmiliartik pinngitsuusinnaaneq Ludomani filmeliaraat.
Peqqissutsimut Naalakkersuisup Doris J. Jensenip filmeliani ajugaasut marluk nunnaarutigai.
- Filmit ajunngilluinnarput. Filmit nuannaarutigaakka eqqarsaatissiissummillu aamma tunivaanga”. Doris J. Jensen tusgassiuutinut nalunaarummi taama oqarpoq .
- Kajumissaarususuppasi Allorfiup nittartagaani filmit takoqqullugit. Aningaasanoorneq innuttaasut peqqissusaannut ajornartorsiutaavoq pimooruttariaqarnerusarput, Doris J. Jensen oqarpoq.
Aningaasanoortartut amerligaluttuinnarput.
AAMMA ATUARUK 8.klasse Sisimiuneersoq 10.000 koruuninik akissarsitinneqarpoq
Inuttaasut peqqissusaannik misissuisitsinermi takutippaat inersimasut akornanni ukiuni kingullerni ajornartorsiutitalimmik aningaasanooriaaseqartut 7,2 %-mik annertussuseqartut taamaalillunilu 2005-mut 4,0 %-mik annertussusilimmut naleqqiullugu marloriaatinngajaanik amerleriarlutik.
Atuaqatigiit ajugaasut aningaasanoorajunneq pillugu ataatsimeersuarnermi 2018-mi ukiakkut akissarsiassartik pissavaat tassani Peqqissutsimut Ilisimatusarnermullu Naalakkersuisoqarfik Allorfik suleqatigalugu aaqqissuunneqartussaalluni.
Filmiliorluni unammisitsinermi ajugaasut filmeliaat Allorfiup nittartagaani: Allorif.gl-imi takuneqarsinnaavoq.