Ellemann nunat iligisamik ministeriilu sakkortooqarfimmi ataatsimiittut

Danmark qamussuit sorsuutit Tysklandimi sananeqartartut pinnagit qamutilinnik isorartuumut igeriunneqarsinnaasunik Ukrainemut tikisitsissaaq.
Danmark sakkunik Ukrainemut pilersuinermi siuttuusoq, Jakob Ellemann Jensen Tysklandimut tallimanngornermi tikereernermini oqarpoq. Assi © : Ida Marie Odgaard/Ritzau Scanpix
Allattoq Ritzau
januaarip 20-at 2023 09:06

Danskit illersornissamut ministeriat, Jakob Ellemann-Jensen, nunani assigiinngitsuni 40-ni illersonissamut ministereqatini, Ukrainep Ruslandimut akiuunnerani Ukrainemik tapersersuisuusut, ataatsimeeqatigiartorlugit, Tysklandimi sakkortooqarfimmut Ramstein Air Basemut ullumi tallimanngornermi aallarpoq.

Qamutillit 40 kilometerisut isorartutigisumut igeriunneqarsinnaallutik lastbiliniissinnaasut, Caesar-haubitserinik taaguuteqartut, Ukrainemut tunniunneqarnissaat danskit naalakkersuisuisa nalunaarutigereeraallu, Ellemann Jensen Tysklandiliarpoq.

AAMMA ATUARUK NATO-p qullersaa: Ukraine sakkussianik sakkortunernik nutaaliaanerusunillu tunineqarumaarpoq

Qamutillit taakkua minutsip ataasiunngitsup ingerlanerani arfinileriarlutik igeriussisinnaapput.

- Danmarkip Ukrainemut tapersersuiinnarnissaa uppernarsarniarlugu ukrainemiut illersornissamut ministeriata Oleksii Reznikovip ataatsmeeqatiginissaanut qilanaarpunga. Ukrainemiut siunissami nammmineerlutik aalajangiisinnaanissaminnik ilungersuuteqarput, Jakob Ellemann-Jensen tusagassiuutinut nalunaarummi oqarpoq.

Danmark sakkunik Ukrainemut pilersuinermi siuttuusoq, Jakob Ellemann Jensen Tysklandimut tallimanngornermi tikereernermini oqarpoq.

Rusland Ukrainemut saassussilluni siorna aallartippoq, taamanili sorsulerput.

Aamma atuaruk