Elite Sport Greenland persuarsiutigineqartumik nersornaasiisussanngortoq

Namminersorlutik Oqartussallu tusagassiuutinut nalunaarutaat naapertorlugu tamanna inunnut timersornerup peqqinnissallu tungaatigut maligassiuisunut nersornaasiiniarnernut nalliuttorsiutiginninniarnermullu tungavoq.

Elite Sport Greenlandip ukioq manna takutitsilluarnerpaamut piginnaanerminillu ineriartortitsisumut nersornaasiinerata saniatigut Kalaallit Nunaanni timersoqatigiit kattuffiata Faxe Kondi suleqatigalugu ukioq manna timersullammaat, sungiusaasutsialak siulersuillammallu aamma nersornaasissavaat.

AAMMA ATUARUK Maligassiuisut Showimi nersornaasiisoqartoq

Nersornaasiisarnerni nutaatut ataatsimooqatigiilluarlutik timersortartut aamma ukioq manna nersornaaserneqassapput, tamannalu kikkulluunniit aalajangeeqataaffigisinnaavaat.

Maligassiuisut Show Nuummi Katuami novembarip ulluisa 17-ianni ingerlanneqassaaq, KNR-ikkullu nal. 19.00-imiit 20:30-mut aallakaatinneqassalluni, Maren-Louise Poulsen Kristensen Angajo Lennert Sandgreenilu ukioq manna ingerlatsisuussapput.

AAMMA ATUARUK Kikkut timersornermik ataatsimoorussinermut nersornaaserneqassappat?