Illit aalajangeeqataasinnaavutit: Kikkut timersornermik ataatsimoorussinermut nersornaaserneqassappat?

Timersornermik ataatsimoorussinermut nersornaasiisoqalissaaq. Kalaallit Nunaanni Timersoqatigiit Kattuffiata GIF-ip Danske Spillillu Maligassiuisut Showimi nersornaasiisoqarnissaani timersornermik ataatsimoorussisunik nersornaasiisoqartussanngortippaat.
Allattoq Anton Gundersen Lihn
septembarip 27-at 2018 11:06
Nutserisoq Bikki P. Kleist

Klubbi ataatsimoorussisulluunniit timersornermik aalanermilluunniit pilersitsisartut imaluunniit timersornerup nalaani avataanilu ataqatigiilluartut nersornaaserneqassapput.

Kinaluunniit GIF-imut videoliamik nassiussilluni klubbimik ataatsimoorussamilluunniit nersornaasigassiisinnaavoq. Tamatumalu kingorna kikkut tamarmik aamma isertortumik toqqaanermut peqataasinnaassapput. Nersornaat 25.000 koruuninik aningaasartaqarpoq.

Maligassiuisut ukioq manna novembarip 17-ianni ingerlanneqassaaq matumanilu siuttutsialak, sungiusaasutsialak timersortartutsialallu aamma toqqarneqassapput.

Elite Sport Greenland Peqqinnissamullu Naalakkersuisoqarfik aamma nersornaasiissapput, ESG-imi takutitsilluarnerpaaq, peqqinnissamullu naalakkersuisoqarfimmit suliffik eqeersimaartoq aamma nersornaaserneqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq