Ilisimatuut Camp Century misissorniaraat
Danmarkimi Kalaallit Nunaannilu ujarassiuutut misissuiffik GEUS Asiamik suleqateqarluni sermersuarmi, amerikamiut sakkutooqarfigisimasaata Camp Centuryp qulaani aasakkut misissuiartornissamik pilersaaruteqarpoq.
![Camp Century Camp Century](/sites/default/files/styles/image_934x467/public/article_images/skaermbillede_2016-08-15_kl._16.51.09_1.png?itok=pZizDqJW)
Camp Century
Allattoq Karsten Sommer
Sermitsiaq.AG ullumikkut taama allaaserisaqarpoq.
Ataqatigiissaarinerulli ajornakusoortup unitsiinnarsinnaanera ernumagalugu pilersaarusiap immikkuaaluttortai Geusip pisortaata tulliata, Flemming G. Christiansenip suli oqaluttuarerusunngilai.
Suliniulli iluatsissappat, silaannarmik misissuisarfimmik, sermip qanoq issusaannik misissukkanik paasisanik ukiukkut aasakkullu tigooraasinnaasumik nappaasoqassasoq, pisortap tulliata aviisimut AG-mut oqaatigaa.
Tamatuma saniatigut imermut nillusaatitut atorneqarsimasup radioaktiviunerulersimanersoq pillugu misissugassamik Danmarkimi peqqissaaveqarfimmut nassissisoqarnissaa aamma naatsorsuutigineqarpoq.